Қазақстан Республикасы Президентінің
жанындағы Мемлекеттік басқару академиясына оқуға онлайн қабылдау жүйесі

Академияның admission.apa.kz ақпараттық жүйесінде «Өтініш беру» батырмасына басып, «Резидент» немесе «Резидент емес» азаматтық мәртебеңізді таңдаңыз.
«Резидент» мәртебесін таңдап, жүйеге ЭЦҚ арқылы кіріңіз және талап етілгеннің барлығын толтырыңыз.
Бұрын жүйеге тіркелген болсаңыз, «Кіру» батырмасына басып, ЭЦҚ арқылы Жеке кабинетіңізге кіре аласыз.
Шетелдік азаматтар, «Резидент емес» мәртебесін таңдап, бірден деректерді толтыруға кіріседі.
Жеке деректерді жинау және өңдеу туралы келісімді, сондай-ақ пайдаланушы келісімін мұқият оқып шығыңыз және Растауды ✅ белгілеңіз.

Хабарламалар легінде 2025-2026 оқу жылына арналған Оқуға қабылдау қағидаларымен мұқият танысып алыңыз.

Өтінім парақшаның сол жақ жоғары бұрышында, «Менің өтінімдерім» бөлімінде «Өтінім беру» батырмасы арқылы беріледі.
Өтінімде барлық қажетті бөлімдерді толтырып, құжаттарды жүктеп, әр бөлімнің соңында «Сақтау» батырмасын басып отыру керек.
Егер «Е-қызмет» АЖ алынған деректер өзекті болып табылмаса, оларды өзектендіру үшін Сіздің мемлекеттік органның кадр қызметіне хабарласуыңызды сұраймыз.
Деректерді жаңартқаннан кейін ақпаратты синхрондау үшін «Деректерді жаңарту» түймесін басыңыз. .

Өтінімді толтыру барысында, «Қазақ тілі» бөлімінде өзіңізде бар сертификат түрін таңдау керек.
«Қазтест»-ті таңдаған жағдайда, сертификатты жүктеуге мүмкіндік пайда болады.
Егер Сіз «QazaqResmiTest» тапсырған болсаңыз, меңгерген деңгейіңізді белгілеп, «Сақтау» батырмасын бассаңыз, Академия жүйесі QazaqResmiTest жүйесімен кіріктірілгендіктен, сертификат жүйеде табылғандығы туралы жасыл түсті хабарлама пайда болады.

Жұмыс орны туралы деректерді толтыру кезінде мемлекеттік жүйелерден, оның ішінде қызметтік тізімнен жүктелген ақпаратты дәлсіздіктер мен өзектіліктің бар-жоғын тексеру қажет.
Қателер анықталған жағдайда оларды өзектендіру үшін жұмыс орнындағы кадр қызметіне хабарласыңыз.
Осыдан кейін деректерді жаңарту үшін «Жаңарту», содан кейін «Сақтау» түймесін басыңыз. Егер деректер жүктелмесе, оны қолмен енгізіңіз.

Жоғарыда көрсетілген әрекеттерді орындағаннан кейін, міндетті түрде «Жіберу» батырмасын басыңыз. Осы кезде Сіздің өтініміңіз аяқталған болып есептеледі және «Жауап күтілуде» мәртебесі пайда болады.
Бұл кезде өтінімге өзгерістер енгізіп, жүктелген құжаттарды ауыстыру мүмкін емес.
Қабылдау комиссиясының менеджерлері Сіздің өтініміңізді үш жұмыс күн ішінде қарастырады. Құжаттардың толық емес топтамасын және/немесе қолданылу мерзімі өткен құжаттарды ұсынған жағдайда, Қабылдау комиссиясы «Түзеуге жіберілді» мәртебесі арқылы құжаттарды толықтыру немесе ауыстыру керек екендігі туралы хабарлайды.
Бұл жағдайда Сізге барлық ескертулерді Құжаттарды қабылдау аяқталғанға дейін жөндеп үлгеру керек.
(25.06.2025 23:59:59)

Сіздің өтініміңіздің мәртебесі туралы білу үшін Жеке кабинетіңіздегі «Менің өтінімдерім» бөлімін үнемі тексеріп отырыңыз.
Барлық талаптарға сай келген жағдайда, «Қол қою күтілуде» мәртебесі көрсетіледі, осы кезде өтініміңізді RSA электронды-цифрлық кілтімен қол қою керек.
Әрі қарай сіздің мәртебеңіз «Конкурсқа жіберілді» болып өзгереді.